Ia prestatzeko denborarik gabe hiru langile kontratu behar izan dituzte Totem eta Indara aretoetan covid ziurtagiria eskatu behar izateak eragin duen lan zama gehigarriari aurre egiteko. Eguraldiarengatik izan dira lehenengo asteburuan arazo gehienak: "Ilarak sortu dira sarreretan, eta euria eta elurra dela eta deserosoa izan da bezeroentzat. Baina bestelako arazorik ez dugu izan".
Sektorea egoera larrian da koronabirusaren pandemia hasi zenetik, eta gaueko ostalaritza irekirik mantentzea eragingo badu begi onez ikusi du Arriadak neurriaren ezartzea. Arazo gehiago ere eragin ditu, gainera, gaitzak. Krisi ekonomikoak, hornidura arazoak ere eragin ditu gaueko ostalaritzan.
