Asteburuan aurkeztu dute Iruñean, 2022ko Euskaraldia, Hitzez ekiteko garaia lelopean. 2022ko azaroaren 18tik abenduaren 5ra eginen da hirugarren hizkuntza ohiturak aldatzeko ariketa soziala. Ohiko rolak mantenduko ditu hirugarren edizioak, baita taldea parte hartzeko ariguneak ere.
Baina proposamen berriak egingo dizkie partaideei. Orain arte, euskararen erabilera handitzeko traba diren arau sozialetan eragin nahi izan du. Hurrengo urtean, aldiz, hizkuntza ohitura horiek aldatzeko herritarrek tresna eraginkorragoak izatea da lehentasuna.
Aurkezpena eginda, Euskaraldia antolatzen duten batzordeen sarea berpizten eta indartzen ari dira dagoeneko.