Gazteak eroso daude apustu etxeetan, edaria merke, emozioa eta dibersioa baitute bertan. Horrela azaldu dute Aralar, Gizakia Helburu eta Antox elkarteek egindako galdeketan. Parlamentuan azaldu dituzte datuak eta ohartarazpena ere egin dute: apustu etxeetarako sarbidea errazegia dute gazteek.
Gazteek normaltasunez ikusten dute apustu etxeetan edo ta tabernetako makinetan jokatzea. Beren aisialdian txertatu duten jarduera da, bestelako alternatibarik ezean. Ez dute arazorik ikusten horretan eta etxeetan ere gurasoek ez dute jokuaz eta ludopatiaz hitz egiteko beharra ikusten. Egoera kezkagarria da, ludopatiaren kontrako Gizakia Helburu, Aralar eta Antox elkarteen iritziz.
Euskalerria Irratian, Gizakia Helburu taldeko Garikoitz Mendigutxiak azaldu du egoera.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.