Beste sindikatuekin batera kalera ateratzeko unea dela uste du Hiru sindikatuak ere. Sektore esentziala da garraiolariarena sindikatuak defendatu duenez, baina babesa falta zaiola salatu du Altunak: "Errepidean lan egiten dute, eta gastuak gora doaz etengabe: gasolioa, bidesariak... Tarifetan islatzen ez badira, beren irabaziak jaten ari dira".
Egoera salatzeko abenduaren 20rako, 21erako eta 22rako lanuztera deitu du Espainiako Errepideko Garraioaren Batzorde Nazionalak. Hiru sindikatuak bilera eginen du bi aste barru, greba deiladi horren aurrean zer egin erabakitzeko. "Arrazoiak ikusten ditugu, baina Euskal Herriko garraiolari autonomoen sindikatua gara, hemen hartuko dugu erabakia".
Momentuz, Euskal Herriko ELA, LAB, Steilas, ESK, Etxalde, CGT eta CNT sindikatuekin batera Espainiako Gobernuaren lan eta pentsio erreformen aurkako mobilizazio bateratuetara batu dira. Lehena abenduaren 1ean izango da lehenengo protesta, hegoaldeko hiriburuetan; hots, Iruñean ere eginen dute.