Espainiako Zinemaren akademiak 'Non Dago Mikel?', Mikel Zabalza orbaizetarraren desagerpenaz diharduen dokumetala Goya saria jasotzeko hasierako 15 hautagaien zerrendan sartu du. Amaia Merino eta Miguel Angel Llamas 'Pitu'-ren obraz gain honakoak dira zerrendan sartu dituztenak:
Quién lo impide Jonás Trueba; El retorno: la vida después del ISIS Alba Sotorra; Nación Margarita Ledo; Bienvenidos a España Juan Antonio Moreno; Álbum de posguerra Airy Maragall eta Ángel Leiro; Balandrau, infierno helado Guille Cascante; Camagroga Alfonso Amador; Del otro lado Iván Guarnizo; Héroes. Silencio y Rock &Roll Alexis Morante; Lobster Soup Pepe Andreu eta Rafa Molés; Magaluf Ghost Town Miguel Ángel Blanca; Posidònia Adán Aliaga; Sedimentos Adrián Silvestre; Tierra de leche y miel Carlos Mora Fuentes, Gonzalo Recio eta Héctor Domínguez-Viguera Queija; Un blues para Teherán Javier Tolentino.
Asteazkenean Ipar Euskal Herrian estreinatutako kontakizun zinematografikoak, ordena kronologikoan azaltzen ditu, Mikel Zabalzaren bizitzaren ingurukoek kontatuta eta garaiko ikus-entzunezko dokumentuak oinarri, 1985eko azaroaren 26an Donostian atxilotu eta Guardia Zibilaren Intxaurrondoko kuartelera eraman zuteneko eta osteko gertakariak. Lekukotza desberdinen bidez, gertaerak nola doazen eta polizia-operazio berean atxilotutakoei zer gertatzen zaien kontatzen du filmak, Zabalzaren familia haren gorpua alferrik aurkitzen saiatzen den bitartean.
Bertsio ofizialaren aurrean, egia, justizia eta erreparazio eskatzen dutenen errelatoaren isla da.
