Lizarrara bidean dira Irrintzi Plazako Reyes Ilintxeta eta Iosu Ganuza. Urriaren 16 eta 17an, larunbatean eta igandean, eginen du ikastolak Nafarroa Oinez festa, formatu txikian.
Iazko ikastolen festa bertan behera geratu eta gero zikloa itxi nahi dute Lizarrako gurasoek. Nafarroa Oinez txikiagoa izanen da, ibilbide eta arearik gabe, herriko zazpi puntutan eskenatokiak izanen direlarik. COVID neurrien azken orduko malgutzeak, festa handiagoa antolatzeko aukerarik gabe utzi du antolakuntza.
Josu Reparaz, Nafarroako Ikastolen Elkarteko zuzendaria, Irrintzi Plaza saioan izan da Nafarroa Oinezen atarian, eta ziurtatu du Euskal Herriaren elkartasunaren emaitza izanen dela festa.
Gaur saio berezia eginen du Euskalerria Irratiak Lizarratik.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!