Apirilaren 9an aroztegiaren aurkako protestan Guardia Zibilen irudiak hartzeagatik jaso dute salaketa: 600 euroko isuna. Espainiak dio hedabideen irudietan Guardia Zibilak identifikatu daitezkeela. Baina, egun hartako Ahotsa.info-ren bideoan zabaldutako irudietan ikus daitekeenez, Guardia Zibileko agenteak maskarak jantzita agertzen dira uneoro eta Ekinklikek argitaratutako argazki-galerian ere ezin dira guardia zibilak identifikatu.
Mozal Legearen aplikazioan oinarritutako salaketa da, eta Ahotsa.info-k eta Ekinklik-ek horien aurkako errekurtsoa jartzea erabaki dute, uste baitute informazio-askatasunaren aurkako erasoa izan dela eta ez dela inoiz guardia zibilen nortasuna publiko egin.