13 aerosorgailu ezarri nahi ditu Green Capital Development enpresak Andina. Ez hori bakarrik, noski. Errotetaraino heltzeko bideak, konexioak, bi azpiestazio transformatzailerekin eta energia husteko goi-tentsioko linea bat ere aurreikusten du proiektuak.
Balio ekologiko eta paisajistiko handiko eremua da, Urbasa-Andia Parke Naturalarekin ingurumen-balioetatik gertu ezarriko dute. Eta proiektuak abeltzaintza eta nekazaritza eremu diren herrietan eragin sakona izanen duela uste dute alkateek.
Proiektuaren aurka elkartasunean ari dira Gesalaz, Lezaun eta Deierrin. Kaltetutako kontzejuetako ordezkariekin eta Etxauriko eta Oltza zendeako zinegotziekin bildu dira. Proiektu zabalago baten hasiera izan daitekeela uste baitute.
Espainiako Trantsizio Ekologikorako eta Erronka Demografikorako Ministerioan aurkeztu dituzte helegiteak. Epea ez da amaitu, horretatik, tokiko erakundeei eta kolektiboei dei egin die irailaren 29a baino lehen alegazioak egin ditzaten.