Rafa Sainz de Rozas: "Sexu abusuen biktima diren haurrek behin baino gehiagotan kontatu behar dute bizitakoa, eta hori ekidin nahi dugu"

Nafarroak Barnahus eredua ezartzeko lanak hasi ditu, indarkeriaren biktima diren adingabeei arreta adeitsua emateko helburuz. Rafa Sainz de Rozas Justiziako zuzendari nagusiarekin mintzatu gara.

Justizia Zuzendaritza Nagusiak Save The Childreni eskatu dio egungo egoeraren diagnostiko-txostena egin dezan, hala etorkizunean zentro espezializatuak ezarri ahal izateko. Barnahus eredua, "haurren etxea" deitutakoak, justiziarekin harremanetan jartzeko ingurune lagunkoiak eratuko ditu.