Iruñeko artzapezpikuak barkamena eskatu zien El Puy ikastetxe katolikoan sexu abusuak pairatu zituztenei, asteartean. Barkamen eskari baldintztaua izan zen, Francisco Perezek ez baitzuen beste ikastetxe erlijiosoetan izandako sexu abusu biktimentzako mezurik egin.
Atzo, El Puyko ikasle ohiekin bildu zen, iragarri bezela. Urduri sartu ziren bilkurara eta barruan ez zuten izan sobera lasaitzeko arrazoirik. Ez dute Francisco Perezen barkamen eskaerarik onartzen, ez dute sinisten. Salatu dutenez, artzapezpikuak publiko egindako barkamen-eskaera ez zaie sinesgarria iruditzen, aurretik beti bizkarra eman, laguntza ukatu eta gertaerak ezkutatzeko makineriaren parte izateko prest agertu delako.
Nafarroako Elizari bere irudia garbitzen saiatzea leporatu diote, biktimei harrera egiteari uko egiten zioten bitartean, eta Elizaren immobilismoaren aurrean neurriak hartzeko eskatu diete erakundeei.
