Imanol Rodriguez (LAB): "Kybsen lanpostuei eusteko borrokatu beharko dugu"

Euskalerria Irratia 2021ko urt. 12a, 13:25

LAB sindikatua egoera aztertzen ari da, beste sindikatuekin batera, egoerari nola erantzun erabakitzeko. Kybsek 103 langile kaleratuko ditu Ororbiako lantegitik.

Ororbiako Amortiguadores Kybse fabrikako zuzendaritzak 900 langile inguruko plantilla bateko 103 langileri eragingo liekeen enplegu-erregulazioko espedientea egingo zuela iragarri ondoren, Imanol Rodriguez LAB sindikatuko Nafarroako Industriako arduradunak adierazi du kezkatuta dagoela. Ororbiako lantokiko langileek espero zuten berria, enpresa berregituraketa aipaitu zuelako aurretik. "Egia da salmentek behera egin dutela, baina ez da soilik hori arrazoia", argitu du. "Pasa den hitzarmenaren negoziazioa  adostu genuen soldata igoera ez aplikatzea hitzarmenaren iraunaldian, enpresak enpregua bermatzen bazuen. Linearik ez du ekarri, beraz, soldata igoera aplikatu beharko luke, eta ez du egin".

Lan hitzarmenean enplegua bermatzeko hainbat klausula dituzten arren, etorkizunarekin du kezka sindikatuak: "Enpresak ez du bermatzen 2023tik aurrera izanen den egoera; beraz, borrokatu beharko dugu enpleguaren bermatzea".

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!