Nafarroako Gobernuak koronabirusaren bilakaeraren berri emateko atzoko oharrean zabaldu zuenez, gaurtik aurrera, Espainiako Defentsa Ministerioko Zaintza Epidemiologikoko Unitateetako (UME) kideekin "indartuko da" aldi baterako Nafarroako arakatzaile taldea.
Gaur egun, lanaldi osoko 84 profesionalek, lehen mailako arretako eta larrialdietako 110 erizainek eta Defentsa Ministerioko 30 arakatzailek osatzen dute Nafarroako miaketa taldea, beharren arabera.
Gogoratu behar da, halaber, Refena enpresaren instalazioek laginak hartzeko gaitasuna handitu dutela astelehenetik, autoen erreien ordez oinezko erreiak jarri baitituzte.