Beriaingo lan heriotza salatu dute sindikatuek

ELA eta LABek salatu dute "prekarizazioaren" ondorioa direla lan istripu eta heriotzak. CCOOk enpresariei eta administrazioari dei egin die Nafarroak erregistratzen dituen zifra "dramatikoen" aurrean.

Sindikatuek azken ezbeharraren aurrean  gaitzespena, eta hildakoaren gertukoei babesa eta elkartasuna adierazi dute, ohar bidez. 2020an Nafarroan hil den bosgarren biktima da gaur Beriainen zendutakoa.

Ezbehar-tasen goranzko joeraz ohartarazi dute sindikatuek. "%30 igo dira lan-istripuak 2012tik, eta 150 pertsona baino gehiago hil dira azken hamar urteetan beren lanpostuetan. Gainera, azken urteetan ikertutako ezbeharren %40 segurtasun-neurri faltagatik gertatu dira", azaldu du ELAk. Enpresari eta administrazioari zuzendu zaio CCOO: "Enpresei ahalik eta zorroztasun handiena eskatzen diegu lan arriskuen prebentziorako araudia betetzean. Plantillek lan segurua eta osasuntsua izateko eskubidea dute, eta ezin ditugu zifra dramatiko horiek onartu ".

Etekin ekonomikoa lehenesteko estrategia bertan behera uzteko eskatu dio patronalari, eta lantokietan esku hartzeko Nafarroako Gobernuari, segurtasun baldintzak kontrolatzeko.

Erlazionatuak

Behargin bat zendu da lan istripuan Beriaingo enpresa batean

Iruñerria

54 urteko gizonezko bat hil da gaur Beriaingo Errekaldea industrialdeko enpresa batean izandako lan istripuan. Biktima kamioi baten atzeko gurpilar...