Koronabirusaren egunerokoa

Alberto Ladron Arana: “Errealitateak fikzioa gainditzen du askotan”

Genero beltzeko idazlea da Alberto Ladron Arana, eta sortzeko baliatzen ari da itxialdia: Leire Asiain protagonista duen beste nobela batean lan egiten ari da. Egungo pandemia literatur lan askoren inspiratzaile izan daitekeela uste du.

Alberto Ladron Arana idazleak Nafarroako Unibertsitate Publikoan lan egiten du, baina egunotan ez dabil lanean, eta irakurtzeko eta idazteko aprobetxatzen ari da denbora. 

Duela hiru urte pandemia bat irudikatu zuen Jainkoen zigorra eleberrian, eta bere garaian nahiko “sinestezina” iruditzen bazitzaion ere, egungo errealitatera gerturatzen dela ikusi du orain. Izan ere, haren ustez, errealitatea askotan fikzioa baino sinesgaitzagoa da.