Oihan Arnanz, Jokin Unamuno eta Adur Ramirez de Alda kartzelatik irteteko lehen baimenak jasotzekoak ziren, hiru urte eta erdi baino gehiagoren ondoren. Baina alarma egoerak bertan behera utzi ditu baimen horiek, eta guztiek Zaballako espetxean jarraitzen dute. Altsasuko Gurasoak taldeko Amaia Amilibiak aldarrikatu du gazteek konfinamendua etxean egin beharko luketela, horretarako moduak badirelako.
Baimena bertan behera gelditu zela jakin zutenean gazteentzat gogorra izan zela kontatu du Amaia Amilibiak, Jon Ander Coben amak. Kezka azaldu du koronabirusa espetxean hedatzekotan sor daitekeen egoerarengatik. Hori dela eta, ausardia eskatu du: gazteak aske utz ditzatela, konfinamendua etxean egin dezaten, beste herrialde batzuetan egin duten moduan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.