Isabel Iturriotz erizaina da Nafarroako Unibertsitate Klinikako larrialdietan. Egunotan osasun zentroetan bizitzen ari diren egoera “larria” dela azaldu du, egunetik egunera eta ordutik ordura aldatzen baita guztia.
Haien arazorik handiena material falta da; hori dela eta, laguntzarako deia egin dute. Erantzunarengatik eskertuta azaldu da Iturriotz: “Oso talde handia osatu da guri laguntzeko: jostunak, ingeniariak, 3D inpresorak dutenak…”.
Lagundu nahi duenak Nafarroako Erizainen Elkargoko webgunearen bitartez jar daiteke kontaktuan haiekin.