Herriak salbatuko du herria

Mikel Legarra: "Inportantea da gertuko hildakoei agur minimo bat egitea"

Izarra tanatorioko kudeatzailea da Mikel Legarra. Garrantzizkotzat jotzen du gertuko norbait hiltzerakoan hari agur esateko aukera izatea. Hori dela eta, egunotan tanatorioa zabalik mantenduko dute, segurtasun neurriak hartuta. 

Beste edozein momentutan zailak diren zenbait egoera are konplexuago bihurtu dira koronabirusak eragindako krisialdian; kasurako, hil diren horiei azken agurra ematea. Izarra tanatorioak neurri bereziak hartu ditu segurtasuna bermatzeko, baina zabalik jarraitzen du.

Mikel Legarra tanatorioko kudeatzailearen hitzetan, zaintza psikologikoa oso garrantzitsua da halako une zailetan, eta norbait hiltzen denean haren gertukoek agur esateko beharra dute, dolua osatu ahal izateko. Hori dela eta, haiek lanean ari dira, egoera zail horretan daudenei “ahalik eta zaporerik onena” uzteko behar duten zerbitzua eskaintzeko.