Maria Txibite Nafarroako Gobernuko presidenteak adierazi du "diskrezioz" duela aste batzuk jarri zirela Testa Residencial funts inbertitzailearekin harremanetan, etxebizitza babestuen afera konpontzeko. Datorren asteartean bilera bat egingo dute, akordio bat lortzeko eta "gai hori konpontzeko".
Txibitek adierazi du kaltetutako familiekin ere bilduko direla. "Funts putre horrek 400 etxebizitza inguru izango lituzke Iruñerrian, eta beste 400 Erriberan, eta konponbidea eman geniezaioke gai horiei guztiei", gaineratu du. Baikor azaldu da presidentea, esanez "alokairuko 650 euroko muga hori ez gainditzearen inguruan" adostasun batera iritsiko direla: "Badirudi akordioa lortuko dela".
