Hauteskundeak 2019

Maria Txibitek hartu du lehendakari kargua

Euskalerria Irratia 2019ko abu. 6a, 12:41

Gaztelaniaz, kargua beteko duela hitzeman du. Bizikidetza "erroka" gisa hartu du, "errespetua" hitzeman du gizarte "anitzarekiko", eta Nafarroaren "esanetara" dagoela adierazi du.

"Kontzientziarengatik eta ohorearengatik Nafarroako Foru Erregimena mantendu, hobetu eta errespetatzea, Konstituzioa zein legeak obeditzea eta nire karguaren eginbeharrak leialki betetzea hitzematen dut", esan du Maria Txibite sozialistak Nafarroako lehendakari kargua hartzerakoan. Gaztelaniaz egin ditu adierazpenak. Txalo zaparrada luzea jaso du, baina ez bertaratutako guztiena. Lehen lerroan ziren UPNko Javier Esparzak eta Enrique Maiak ez dute txalorik egin.

Nafarroaren "esanetara" dagoela adierazi du lehendakariak hitza hartzean. Nafarroa "anitzarekiko" errespetua hitzeman du, eta bizikidetza "erronka" gisa aurkeztu du. "Garapen ekonomiko eta sozial berritzaile eta bidezko" baten alde lan eginen duela adierazi du. Gaztelaniaz egin ditu adierazpenak. Hitz bi esan ditu euskaraz, hitzaldiaren amaieran: "Eskerrik asko".

Nafarroako Gobernuko bederatzigarren lehendakaria da Txibite, hirugarren emakumea karguan.

Haren senideak, alderdi kideak eta gobernuko kideak izan dira ekitaldian. Baita Espainiako Gobernuko Nekazaritza minitro Luis Planas, Sustapen ministro Jose Luis Abalos eta Eusko Jaurlaritzako lehendakari Iñigo Urkullu ere.

Bihar hartuko dute kargua Nafarroako Gobernuko kontseilari berriek. 13 kontseilaritza izanen ditu Maria Txibiteren gobernuak.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!