Bi presidenteorde izanen ditu Maria Txibiteren gobernuak. Bat alderdi sozalistaren esku eta bestea Geroa Bairen esku egonen da. PSNk zortzi kontseilaritza hartuko ditu bere gain, Geroa Baik bost eta Ahal Duguk bat.
PSN
Javier Remirez Apesteguia
FUNTZIO PUBLIKOA ETA PRESIDENTETZA LEHENDAKARIORDEAJavier Remirez (Iruñea, 1975) abokatua da eta gaztetatik alderdi sozialistako kidea. Azken bederatzi urteetan aritu da PSNren batzorde exekutiboan. Haren ardurapean egongo da Presidentetza, Berdintasun, Funtzio Publiko eta Barne Departamentua. Asun Apesteguia, PSNko historikoaren semea da.
Mari Carmen Maeztu
GIZARTE ESKUBIDEETAKO KONTSEILARIA1985etik 2000ra arte, Valtierra eta inguruko herrietako gizarte langile modura jardun zuen, eta Nafarroako Gobernura jo zuen handik. kontseilari izango den sailean aritu da azken urteetan: Gizarte Eskubideetako Departamentuan.
Bernardo Ziriza
LURRALDE KOHESIOKO KONTSEILARIAPSNko Landa Garapeneko arduraduna izan da Bernando Ziriza (Faltzes, 1955). Parlamentari eta Faltzesko zinegotzi izana da. Azken urteotan PSNko batzorde exekutiboko partaidea izan da.
Santos Indurain
OSASUN KONTSEILARIAFamilia medikua da Santos Indurain (Uztarroze, 1959). Azken urteetan, ardura postuak izan ditu Osasunbidean, kudeaketarekin lotuak, eta irakasle modura ere jardun du. Nafarroako familia medikuen elkarteko lehendakari izan zen.
Elma Saiz
EKONOMIA ETA OGASUN KONTSEILARIAParlamentari ohia, Nafarroako Berdintasun Institutuko zuzendari ohia, eta gaur egun, Iruñeko zinegotzia da Elma Saiz (Iruñea, 1975). PSOEren garaian, Espainiako Gobernuaren ordezkaria ere izan zen.
Juan Cruz Cigudosa
UNIBERTSITATE KONTSEILARIABiologian doktorea da, Giza Genetikan espezializatua. Giza Genomako Espainiako Elkarteko presidente izan zen. Nafarroako Unibertsitate, Berrikuntza eta Eraldaketa Digitaleko Departamentu berriaren buru izanen da.
Carlos Gimeno
HEZKUNTZA KONTSEILARIAIrakaslea da Carlos Gimeno (San Adrian, 1965). PSNren barruan hezkuntzari lotutako karguak izan ditu azken urteotan. Tuterako Udalean zinegotzia da.
Rebeca Esnaola
KULTURA ETA KIROL KONTSEILARIAIkus-entzunezko komunikazioan lizentziaduna da Esnaola (Iruñea, 1975). Artxiboak kundeatzeko ikerketak eta kultura kudeaketakoak egin ditu.
GEROA BAI
Jose Mari Aierdi
LURRALDE ANTOLAKETAKO LEHENDAKARIORDEANapar Bideak kooperatiba eta Nafarroako Elikagai Artisauen Elkartea sortu zituen. Lekunberriko alkate izan zen 31 urtez (1984-2015), eta Plazaolako turismo partzuergoaren sortzaile eta buru. Orain Lurralde Antolaketa, Etxebizitza, Paisaia eta Proiektu Estrategikoen kontseilaria izango da.
Manu Aierdi
GARAPEN EKONOMIKOKO KONTSEILARIAAlor bereko lehendakariordetza eduki du azken lau urteotan Aierdik (Donostia, 1967). Enpresa Zientziak ikasi zituen Deustuko Unibertsitatean. EAJko kide da, eta 2012tik 2015era Nafarroa Buru Batzarreko presidente izan zen.
Ana Ollo
HERRIRARREKIKO HARREMANETARAKO KONTSEILARIAKazetaria da Ana Ollo (Iruñea, 1965). Ser irratian eta TVEn aritu da lanean, baita Nafarroako Gobernuko prentsa bulegoan. Departamentu berdina izan zuen bere gain azken legegintzaldian.
Itziar Gomez
LANDA GARAPEN KONTSEILARIAIruñeko zinegotzia izan da Itziar Gomez (Iruñea, 1965) azken hamabi urtetan. Psikologia lizentziaduna da, eta haur hezkuntzako teknikaria.
AHAL DUGU
Eduardo Santos
JUSTIZIA ETA MIGRAZIO POLITIKETAKO KONTSEILARIANafarroako Ahal Dugu-ko idazkari nagusi da Eduardo Santos (Iruñea, 1973). Nafarroako parlamentari hautatu zuten 2015ean, baina kargua utzi zuenizateko. Gaur egun Espainiako Kongresuko diputatua da.
