Irrintzi baten irudiak iragartzen du aurtengo Baztandarren Biltzarra festa. Miren Karmele Gomez elizondarrak egin du afixa. Sinestesia du, hotsak entzun eta koloreak, itxurak eta mugimendua ikusten ditu. Ingurua hautemateko duen modua azaldu du Guardasolan.
Aurten ere, ez da besta iragartzeko kartel lehiaketarik egin. Beste behin, Baztango sortzaile bati eman zaio aukera. Hala, Karmele Gomez artistarena izan da Baztandarren Biltzarra iragartzeko kartela egiteko ardura. Aitzineko kartelekin alderatuta, proposamen urratzaileagoa egin du Gomezek. Irrintzi baztandar bat irudi bilakatu du, sinestesiaren bidez. Kartel hori oinarritzat hartuta kamisetak egin dira, eta Mendi ostatuan erosi daitezke.
Sinestesia ezagutarazteko sinestesia.eus webgunea jarri du martxan Miren Karmele Gomezek.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
