Parlamentuan beran izan da Luis Sabalza, Osasuna taldeko presidentea. Abala eskuetan, bihar bertan jarriko dira lanean Sadar futbol zelaia zaharberritzeko. Bihar Iruñeko udalaren udalgintza teknikariekin bilera eginen dute baimenak tramitatzen hasi eta udan obrak has daitezen.
Osasunak lortu du Sadar futbol zelaia zaharberritzeko beharrezkoa duen dirua lortzeko abala. Nafarroako Parlamentuak oneritzia eman dio Geroa Baik eta EH Bilduk aurkeztutako lege proposamenari. 23milioi euroko mailegua eskatuko du talde gorritxoak obrak ordaintzeko eta Nafarroako Gobernuak mailegu hori abalatuko du. Geroa Bai, EH Bildu, UPN, PSN eta PP ren aldeko bozkekin atera da aurrera legea, Ahal Duguren abstentzioa eta Izquierda Ezkerraren kontrako jarrerarekin.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!