Espainiak ez du Europako Giza Eskubideen Auzitegiak Bateragune auziaz emandako epaiaren kontrako helegitea aurkeztu. Hala, irmoa da Estrasburgoko auzitegiaren epaia. Auzitegiak ebatzi zuenez, Bateragune auziko zigortutakoek ez zuten epaiketa justu eta inpartziala izan.
Defentsak berraztertze helegitea aurkeztu dezake Espainiako Auzitegi Gorenean. Urtebeteko epea du.
Agela Murillo Auzitegi Nazionaleko epailea ez zela inpartziala izan iritzita, Europako Giza Eskubideen Auzitegira jo zuten Arnaldo Otegik, Rafa Diezek, Sonia Jacintok, Miren Zabaletak eta Arkaitz Rodriguezek. Bostak daude libre, espetxe zigorrak osorik beteta. Otegik oraindik badu inhabilitazioa. Berraztertze helegitearen bidez hori argitu daiteke.
