Sua piztu da Leitza gaineko Okabio mendian bart gauean. Nafarroako Suhiltzaileek eta Leitzako Alkateak, Mikel Zabaletak zabaldutako argazkietan ikus daitekeenez, sua herritik bertatik ikus zitekeen. Kordobillako suhiltzaileak eta Leitzako bolondresak aritu dira lanean sua itzaltzeko. Sutea jadanik kontrolpean dago. Hektarea terdi itzali da.
Ez da azken orduotan piztu den su bakarra. Asteburuko suteen ostean, berriz ere sua piztu egin da Baztanen. Oronoztik Berroetarako bidean sua piztu da suhiltzaileek adierazi dutenez eta bertan dira lanean sugarrak kontrolatzeko. Hego haize egun hauetan sastrakei su ematea debekatuta dagoela gogorarazi dute suhiltzaileek.
https://twitter.com/bomberos_na/status/1097618595075555328
https://twitter.com/bomberos_na/status/1097618595075555328
2019 ots 18 Nafarroa
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.