1950eko urtarrilaren 1etik aurrera eskuin muturreko taldeek edo funtzionario publikoek eragindako motibazio politikoko ekintzen biktimen errekonozimenduari eta erreparazioari buruzko lege proposamena onetsi du gaur Nafarroako Parlamentuak. Alde bozkatu dute Geroa Bai, EH Bildu, Podemos-Ahal Dugu-Orain Bai eta I-E taldeek, PSN abstenitu egin da eta aurka bozkatu dute UPN eta PPNk.
Uztailean baliogabetu zituen Espainiako Auzitegi Konstituzionalak 2015ko legearen eduki nagusiak. Hori dela eta, laukoak bigarren lege proposamen bat adostu du. Aurkeztean, Auzitegi Konstituzioanaren mugak kontuan harturik, hutsuneak izango dituen lege proposamena izango dela aitortu zuten.
