Guardia Zibilak Altsasu beste behin "hartua" du. Tentsio uneak bizi dituzte herrian goizean goizetik. Atxiloketez gain kargak eta isunak ere jasaten ari dira herritarrak. Dagoeneko lau dira atxilotutako gazteak: Iñaki Abad, Aratz Urrizola, Jon Ander Cob eta Julen Goikoetxea. Epaia ezagutu berritan izan dira atxiloketak. Gazteak epaitu dituzten magistratuek eman dute atxilotze agindua. Epailearen aurrera eramanen dituzte eta hark erabakiko du espetxera bidaliko dituen edo ez. Beste hiru gaztek 569 egun daramatzate espetxean, urrunduta.
Mobilizazioak gaur eta ekainaren 16an
Atxiloketak salatzeko protestara deitu dute Iruñean: 20:00etan kontzentrazio zaratatsua egingo dute Gaztelu Plazan. Eta ekainaren 16an Altsasuko Gurasoek deituta manifestazioa eginen dute.
