Gidariak babesteko beirak izanen dituzte billabesek, haien eta bidaiarien artean distantzia jarriko duten elementuak. Billabesako langileen aldarria izan da, gaueko zerbitzuan hainbat eraso izan eta gero.
Mankomunitateak ekainetik aurrera erosiko dituen hamabi autobusek edukiko dituzte, eta jada badira segurtasun neurri hori dauzkaten beste sei. Autobus bakoitzeko, 2.100 euroko kostua du beira jartzeak.
Une honetan, halako sei daude martxan, 4 eta 7 lineako autobusetan. Bidaiari gehienek (%92ak) positiboki balotzen du neurria, %7a baino ez da kontra azaldu; horien artean, aurka egoteko arrazoiak: bat, gidariekiko tratua galtzen dela (%46a); eta bi, ordaintzeko zailtasunak (%35a) daudela.
Gainera, ordenantza zibikoa martxan jarriko dute, erabiltzaileak kontzientziatu daitezen. Era berean, segurtasun kamerak jarri dituzte autobus guztietan.
