Billabesan eraso gehiagorik ez! Goiburu hori zeukan pankartaren atzean bildu dira gaur goizean billabesako hainbat gidari, ez bakarrik asteburuko erasoa salatzeko -larunbatean kolpeak eman zizkioten langile bati, gazte batzuek, ordaintzeari uko egin ostean-, baizik eta pairatzen dituzten eraso guztien kontra egiteko. Hiri garraioaren ardura duen TCC enpresari zuzendu zaizkio: gidariak babestuko dituzte beirak eta segurtasun kamerak eskatu dituzte.
"Ohiko" bihurtu dira billabesa gidarien kontrako erasoak, eta Alberto Iribarren ordezkariaren arabera, batez ere "ordu txikietan eta drogak tarteko" gertatzen dira liskar gehienak.
