Altsasuko gazteen aldeko manifestazioari sostengua eman diote hainbat gazte antolakundek

Altsasuko gazteen aldeko manifestazioari sostengua eman diote hainbat gazte antolakundek
Argazkia: Nafarroako gazte antolakunde hainbatek eskainitako prentsaurrekoa.

Auziaren tratera mediatikoa eta juridikoa "gazteria kriminalizatzeko saiakera" dela salatu dute, bai eta kasua Auzitegi Nazionalean epaitzea ere. Apirilaren 14an izanen da manifestazioa, Iruñean.

Nafarroako gazte kolektibo, antolakunde, talde eta elkarte hainbatek sostengua adierazi diete ostatuko liskar batengatik terrorismoa leporatuta epaituko dituzten Altsasuko zortzi gazteei, eta manifestazioan izanen direla iragarri dute. 

Europar Batasunaren Funtsezko Eskubideen Kartaren kontra doazen zigor eskaerak kritikatu dituzte, bai eta Audientzia Nazionala izatea kasua eramenen duena. Nafarroako Probintzia Auzitegian instruitu beharrekoa dela deritzote. 

Neurririk gabeko epaiketa

Gainera, akusazioaren eta fiskaltzaren zigor eskaerak eta kautela neurriak "zeharo neurrigabeak" izan direlakoan daude.

"Kasua politizatzeko eta izaera terrorista emateko sektore jakin batzuetatik egondako interes handia" egon dela azpimarratu, eta "justizia, proportzionaltasuna eta oreka" egon daitezen eskatu dute.

Erlazionatuak

Manifestazioa iragarri dute apirilaren 14an Altsasuko gazteei elkartasuna adierazteko

Erabiltzailearen aurpegia

Altsasuko Gurasoek eta Altsasukoak Aske taldeek iragarri dute manifestazioa antolatu dutela apirilaren 14an. Gazteen aurkako epaiketa apirilaren 16...