Iruñerriko euskaldunon agerkaria
euskalerriairratia.eus

Bost akusatuen azken hitzekin eta euren abokatuen ondorioekin amaituko da epaiketa

Euskalerria Irratia 2017-11-28 08:24   Gizartea  Nafarroa

Atzo bezala gaur ere, Nafarroako Auzitegi Nagusian ikusmin handia espero dute. Hamabost egunez itxia izan da epaiketa, eta azken bi egunetan publikoa. 

Gaur izanen da 2016ko sanferminetan uztailaren 7an izandako bortxaketaren epaiketaren azken saioa. Bost akusatuen abokatuek ateratako ondorioak aurkeztuko dituzte. Eta bortxaketa egotzita epaitzen ari diren bost gizonek azken hitza eginen dute epailearen aurrean. Horren ondotik erabakia hartu behar izanen du epaileak. Atzo bezala gaur ere, Nafarroako Auzitegi Nagusian ikusmin handia espero dute. Hamabost egunez itxia izan da epaiketa, eta azken bi egunetan publikoa izan da. 24 herritar eta 46 kazetari sartu ziren aretoan atzoko saioa jarraitzeko. Segurtasun neurriak handiak ziren: ez zuten utzi aretoan gailu elektronikoak sartzen. Gehienez ere, papera eta boligrafoa.

Gaur defentsako abokatuek aurkeztuko dituzte ondorioak. Akusatuek beti defendatu dute sexu harremanak baimenduak izan zirela, emakumeak inoiz ez zuela ezetz esan. Gizonezkoek harremanak baimenduak zirela ebatzi izanak ez du esan nahi deliturik izan ez zenik. Sexu harremanetan parte hartzen dutenen artean "jazarpena" dagoenean, hori sexu erasoa da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa