Iazko sanferminetan bost gizonen artean emakume bat bortxatzea leporatuta, gaur deklaratuko dute bost horiek epailearen aurrean. Errugabetzat jo zituzten epaiketaren lehen egunean euren buruak eta gaur ildo horretatik eginen dute euren defentsa ere, aldaketarik ezean.
Atzo, poliziek eta psikologoek deklaratu zuten epailearen aurrean. Bideoak ikusi zituzten lehen aldiz epaitegian eta irudi horiek aztertu dituzten agenteek berretsi zuten emakumeak ez duela inongo unetan sexu harremanean kolaboratzen: pasiboki jarduten du emakumeak eta beti gizonen azpitik kokatzen da. Emakumea artatu zuen psikologoak berriz esan zuen emakumea ez zituela sintomak esajeratu.
38 hedabidek eman dute izena saio irekirako
Heldu den asteko astelehen eta asteartean ate irekiekin emanen dituzte epaiketaren ondorio eta deliberazioak, eta hortik aurrera, sententziaren zain geratuko gara. Komunikabideetako kazetariak joaten ahalko dira baina ezin izanen dute deus grabatu. Akusatuen senitartekoak edota publikoa ere izaten ahal da bi jardunaldi horietan.
