AHTa "inondik inora doan trena" dela salatu dute mobilizazioaren antolatzaileek, ingurumenari kalte ugari sortuko liokeela, etengabe diru publikoaren beharra lukeela, herrietara ez litzatekeela sartuko eta ez dela eztabaidarik egon behar den ereduari buruz. Horregatik, proiektua geratzeko eta eztabaida abiatzeko "garaiz" daudela deritzote. Ildo horretan, aurrerantzean ere mobilizatzen segituko dutela esan zuen Julio Villanueva Trenaren Aldeko Ekinbideak Plataformako kideak, Ahotsa.info-ri egindako adierazpenetan.
Gutxi batzuen mesederako
"Pribilegiatu batzuk trenean minutu gutxi batzuk lehenago iristeko, gizartearen zati handi batek pairatu beharko ditu murrizketak", adierazi zuen Rakel Alvarez Tafallako EH Bilduko zinegotziak, amaierako ekitaldian, halaber.
AHTaren kontrako eta tren sozialaren aldeko manifestua osorik irakur daiteke hemen.
