Iruñerriko euskaldunon agerkaria
euskalerriairratia.eus

Ate itxiekin eginen da iazko sanferminetan izan zen bortxaketaren epaiketa

Euskalerria Irratia 2017-10-19 07:35   Gizartea  Nafarroa

>Auzitegiak adierazi du ezinbestekoa dela salatzailearen intimitatea babestea.
>Azaroaren 13an hasiko da epaiketa, Iruñean.

Bost gizon epaituko dituzte Nafarroako Auzitegian, iazko sanferminetan emakume bat bortxatzea leporatuta. Fiskalak 23 urteko kartzela eskatua du haientzat.

Auzitegiak jakinarazi du hedabiderik gabe egingo dutela epaiketa osoa, ateak itxita. Bi argudio eman ditu horretarako: batetik, salatzailearen intimitatea errespetatzea; bestetik, salatzailearen eta bost akusatuen "gehiegizko esposizioa" saihestea.


Epaiketa ateak itxita egingo dute, eta auzitegiak espresuki debekatu du hango irudiak hartzea eta zabaltzea ere: bai salatzailearenak, bai akusatuenak.


Azaroaren 13an hasiko da epaiketa Iruñean, eta 24an bukatuko da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa