Sanferminak 2017

Sexu ukituak egiteagatik zortzi hilabeteko espetxe zigorra ezarri diete bi gizoni

Euskalerria Irratia 2017ko uzt. 11a, 10:09

Uztailaren 9an eta 10ean izan ziren sexu abusuak. Errudunak direla aitortu dure biek eta 750 eta 500 euro arteko isunak ipini dizkiete.

Sexu abusuak egin zituztela aitortuta, zortzi hilabeteko espetxe zigorrak ezarri dizkiete bi gizoni.

9an atxilotu zuten horietako bat, taberna batean, 01:30ak aldera. Emakumea tabernako komunetik atera zenean egin zizkion ukituak; neskak erantzun egin zuenean, jipoi bat eman zion erasotzailearen lagun batek. Auzi horren ondorioz, beraz, bi gizon zigortu dituzte: ukituak egotzita, bat eta jotzeagatik, bestea. Lehengoak zortzi hilabete kartzela zigorra eta 750 euroko isuna du; bigarrenak, 400 euroko isuna.

Ukituak direla-eta kartzela zigorra onartu duen beste gizona uztailaren 10an atxilotu zuten. Hark ere zortzi hilabeteko kartzela zigorra eta 500 euroko isuna jasoko ditu.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!