Mikel Zabalzaren auzian oinarrituta, Euskal Herrian torturak izan duen eraginari buruzko dokumentala ari dira egiten Ahotsa.info eta Filmatek: Galdutako objektuak.
Zabalza auzia gertutik ezagutu duten adituak elkarrizketatu dituzte: Zabalzaren senideak, Iñigo Iruin abokatua edota harekin batera atxilo hartu zituzten hainbat lagun. Horiekin batera, torturari buruz jardun dute, besteak beste, Paco Etxeberria forentsearekin edota Theo Van Boven nazioarteko kontalariarekin.
Lana aurrera eramateko, 15.000 euro bildu nahi dituzte datozen 40 egunetan. Horri buruzko informazio guztia Verkami plataforman proiektuaren webgunean eta www.mikelzabalza.eus atarietan jarri dute irakurgai.
