Gaur arratsaldean, Miguel Artxankoren abokatuak bermearen ordainketa formalizatu dute Nafarroako Auzitegian, eta horren ondotik aske geratu da Osasunako presidente ohia. Artxanko joan den larunbatean espetxeratu zuen Iruñeko bigarren instrukzio auzitegiko epaile Fermin Otamendik, baina 500.000 euro ordainduta baldintzapeko askatasuna lortzeko aukera eskaini zion.
Osasunaren kontuetatik 2,4 milioi euro desbideratzea eta partidak erostea leporatzen diote Artxankori. Auto berean, epaileak Txuma Peralta Osasunako zuzendaritzako kide ohiaren baldintzarik gabeko espetxeratzea agindu zuen.
Bestalde, haien deklarazioak entzun eta gero, zuzendaritzako kide Purroi eta Bandres aske utzi ditu epaileak, baina karguekin. Hori guztiori horrela, Osasunaren auziaren brruan egun 10 auzipetu daude: Artxanko, Izko, Pascual, Bizkai, Gomez, Bandres, Peralta, Purroi, Lopez eta Makirriain.
