Iruñerriko euskaldunon agerkaria

Sanferminetako Kantu Zaharren Bazkaria

2018/07/13 14:00 - 17:30

Euskal-marokiar kantu inprobisatu saioa: Maialen Lujanbio eta Latifa Laaroussia

2018/06/11 19:00 - 21:00

Civivox Kondestable | Iruñea |Bertso saioa

Ahozko inprobisazioaren saio euskal-marokoarra, Maialen Lujanbio eta Latifa Laaroussiaren eskutik, astelehenean, Kondestable Civivoxean, gaztelaniazko itzulpenarekin

 

Nafarroako Unibertsitateak eta Mintzola Ahozko Lantegiak antolatu dute errezitaldia, Iruñeko Udalarekin elkarlanean

 

Kanta ezan eta kantatuko dinat lelopean, ahozko inprobisazioaren errezitaldi euskal-marokoarrak ekainaren 11n, astelehenarekin, bilduko ditu Maialen Lujambio bertsolaria eta Latifa Laarousia ayllus –Marokoko iparraldeko ahozko poesia– kantaria, 19:00etan, Kondestable Civivoxean. Biak ala biak beren herrietako ahozko tradizioaren erakusle argiak dira. Saioa Nafarroako Unibertsitateko Kultur eta Gizarte Institutuak eta Mintzola Ahozko Lantegiak antolatu dute, Iruñeko Udalarekin eta Unibertsitate horretako Euskal Hizkuntza eta Kulturaren Katedrarekin elkarlanean, eta gaztelania izango du komunikazio-hizkuntza.

Errezitaldiari hasiera emateko, artistek sarrera laburra egingo dute euskal ahozko tradizioa eta Marokoko ahozko tradizioari buruz. Ondoren, inprobisazio-jolas txiki bat egingo dute, errima lantzeko zenbait hitz eta esaldi abiapuntu hartuta. Azkenik, mahai-inguru bat egingo da, non ahozko tradizioaren paperari buruz eztabaidatuko baitute arloko zenbait ikertzaile adituk. Bertsolaritza arloko ordezkari gisa Asier Barandiaránek (Euskal Herriko Unibertsitatea) parte hartuko du, eta ayllus ahozko poesia marokoarraren esparruko ordezkari gisa, Sarali Ginstburg ikertzaile errusiarrak (Nafarroako Unibertsitatea). Saioan interpreteak egongo dira, arabieratik gaztelaniara eta euskaratik gaztelaniara itzulpena egiteko, ahoz.

Errezitaldia Kultur eta Gizarte Institutuaren ORFORCREA proiektuaren barruan dago, eta horretan ari da lanean Sarali Gintsburg, Marie Curie bekari esker, Europar Batasunean lehia handien dutenetariko bat. ORFORCREAk ikertu egiten ditu hitzezko artearen sormenak dituen oinarri kognitiboak, ahozko tradizioarekin zein alfabetatzearekin duen elkarreragina aztertuta.

Maialen Lujanbio

Hernaniarra da, eta Bertsolari Txapelketa Nagusia irabazi duen lehen emakumea, 2009an, hain zuzen; titulu hori berretsi zuen 2017an, eta XXI. mendeko bertsolaririk onena dela diote askok. Lujanbio 11 urte zituela hasi zen bertso-eskolan, eta ordutik gutxira, gailentzen hasi zen. 15 urterekin, lehen aldiz irten zen plazara kantatzera, Hondarribian, itzal handiko Andoni Egaña, Anjel Mari Peñagarikano eta Kristina Mardaras bertsolariekin batera. Orduz geroztik, hainbat txapelketa konkistatu ditu, kategoria gorena barne, 2009an. Arte Ederretako lizentziaduna da EHUn, eta graduondo bat egin zuen Mondragon Unibertsitateko Humanitate eta Hezkuntza Zientzien fakultatean (HUHEZI).

Latifa Laaroussia

Xauen ondoko herri txiki batean jaio zen, Marokon, oso familia kontserbadore batean. Abestea zuen amets, eta hala egiten zuen soroetara ihes egiten zuen bakoitzean, baina aitak kantatzea debekatu zion. 15 urterekin alargun geratu zen, haur bat bere kargura zuela. Egoera berri horrek indarra eman zion bere ametsa lortzen saiatzeko, eta grabazio-estudio batekin jarri zen harremanetan; hura entzun eta berehala ahotsarekin txora-txora eginda geratu ziren. Orduz geroztik 10 disko kaleratu ditu eta urtero izan da telebista-saioetan, Marokon. Hamar urtetik hona Frigilianan bizi da (Málaga), eta bertan lan egiten du, gela-zerbitzari gisa, hainbat hoteletan.

 

Antzezlana: "Medikuen aferak" Jaione Urtasunekin

2018/06/29 19:00 - 20:30

Mendillorriko Civivoxean

Haurrendako ikuskizuna: "Borobilean" Pirritx, Porrotx eta Marimototsekin

2018/06/20 18:00 - 20:00

Uharteko Ugarrandia polikiroldegian

Karrikadantza

2018/06/16 18:00 - 18:30

San Nicolas plazan

Euskaraldiaren inguruko mintegia

2018/06/16 10:00 - 14:00

Burlatako Kultur Etxean

Euskaraldiaren bi figurak prestatzeko mintegia

Kiki, Koko eta Moko pailazoak: "Irriparra barra barra" ikuskizuna

2018/06/13 18:00 - 20:00

Ziudadelan

Kontatuko diguten istorioetan lamiak eta zuhaitzak dira protagonista nagusiak. Pailazoek, betiko alaitasunez eta publikoaren partaidetzarekin, euren ametsik handienak egi bihurtzea lortuko dute.

Berriobetitiko Euskararen Eguna

2018/06/02 11:30 - 23:30

Oteizan

11:30 Jaiaren hasiera 11:30 Herri-dantzak. Zendeako Fanfarrea Berriogoitiko eta Artikako erraldoiak eta kilikiak 12:45 Herri kirolak haurrentzat 14:00 Haurren herri bazkaria 15:00-19:00 Haurrentzako puzgarriak eta jolasak 16:30 Bazkalondoko kantaldia "Zindiku" taldearekin 16:30-18:00 Taloak egiteko haurrentzako tailerra 17:30-18:30 Ginkana 18:30-21:30 Dantzaldia "The Trikiteens" taldearekin 21:30 Bokatak Jai-gunean 22:00etatik aurrera Festak jarraituko du Oteizako Elkartean

Euskal minidiskoteka

2018/06/01 18:30 - 20:00

Artika Berriko plaza

Irakurle taldea: "Zalditeria gorria"

2018/06/22 20:00 - 21:00

Katakrak