Garrarte familia-negozioa XIX. mendearen amaieran hasi zen, zehatzago esanda, 1880an, urte horretan aurkitzen baita lehen dokumentu-aztarna: egungo jabeen birraitonak, Pablo Lópezek, Tafallako Udalari postu bat ordaindu zion, baina pentsatzekoa da familia-tradizioa are zaharragoa izan zitekeela arlo horretan. Pabloren oinordekoa Santiago Lopez izango zen, 1936an fusilatua, 47 urte zituela, eta haren atzetik bere alarguna, Cirila Escudero, familiako negozioaren eta bederatzi seme-alabaren ardura hartu behar izan zuena.
Azkena, aita hil zenean bidean zen Maribel izan zen, 15 egun geroago jaio baitzen. Haren atzetik Yolanda eta Angelines, Santiago eta Maribel, neba-arrebak eta negozioko bazkideak zeuden. Egun bosgarren belaunaldia ere produktu garrapiñatuaren negozioan sartuta dago.
