Ostiralean bota zion hordagoa Javier Esparza UPNko zerrendaburuak Yolanda Barcina Nafarroako Gobernuko presidenteari: ohartarazi zion hura foru hauteskundeetako UPNko zerrendan aurkeztuz gero, Esparza prest zegoela hautagaitzaren buru izateari uko egiteko.
DIario de Navarra egunkariak argitaratu du Barcinaren erantzuna. Kazeta horren arabera, Barcinak atzo jakinarazi zion Esparzari ez dela zerrendan aurkeztuko: "Lehenengo gauza Nafarroa da. Nik zerrendan joan nahi nuen erantzukizunagatik, uste nuelako ona zela alderdiarentzat batasun irudia ematea".
Ostegunean, zerrendan aurkezteko asmoa iragarri zuen Barcinak. Ostiralean, ordea, Esparzak erantzun zion "proiektu berritu bat" nahi duela, eta atzera egiteko eskatu zion Barcinari.
