SAN JOSE ABESBATZAK “THE ARMED MAN: A MASS FOR PEACE” KONTZERTUA EUROPAKO ERREFUXIATU SIRIARREI ESKAINIKO DIE, Bakearen Nazioarteko Egunean. ACNUR-Mediterraneoko errefuxiatuak erakundearekin elkarlanean eginen da kontzertua.
Heldu den 2015eko irailaren 19an, larunbata, Bakearen Nazioarteko Eguna dela-eta, eta abesbatzaren 60. urteurrenaren ospakizun-emanaldien artean, Iruñeko San Jose Abesbatzak Karl Jenkins konpositore galestarraren “The Armed Man: A Mass for Peace” kontzertua interpretatuko du Iruñeko San Antonio elizan, 20:00ean. Kontzertua ACNURekin elkarlanean eginen da, eta berariaz Europako errefuxiatu siriarren krisiari eskainiko zaio.
Nazio Batuen Batzar Orokorrak irailaren 21a “Bakearen Nazioarteko Eguna” izendatu zuen Giza Eskubideak sustatze aldera eta munduko nazio eta herri guztietan bake-ideiak indartze aldera.
“The Armed Man: A Mass for Peace” 2000. urtean estreinatu zen milurteko berriaren ospakizunen karietara. Konpositoreak Kosovoko krisia gogorazi nahi izan zuen gerraren horrorea eta bakearen esperantza gogora ekarriz. Haren lengoaia musikala erabat berritzailea da, bertan nahasten baitira gerra gaitzat duten kantu gregorianoko zatiak, jatorri islamiarra duten konposizioak, Indiako testuak eta iturri biblikoak
“The Armed Man: A Mass for Peace” munduko arrakastarik handiena lortu duen obra koral garaikidea da. Abesbatzarako eta orkestrarako eszenifikaturik dago eta ordu bat irauten duten barietate, kolore eta sonoritate handiko 13 mugimenduk osaturik dago.
Emergentziazko egoera Sirian:
Lau milioi siriarrek babesleku bat behar dute. Lau urteko gerra baten ondoren, gizonek, emakumeek, haurrek, agureek, gaixoek… ihes egin behar izan dute, beren etxeak eta zeuzkaten guztiak utzi behar izan dituzte beste herrialde batzuetan seguritatea lortzen saiatzeko.
Gure garaian ezagutu den krisi humanitariorik handienetako bat da. Milaka familia bizirik irauten saiatzen ari dira oso egoera zailean, eta errefuxiatu asko beren bizitza arriskuan paratzen ari dira Europara iritsi nahian.
Egoera honen aurrean, Iruñeko San Jose Abesbatzak ACNURen eskuetan paratu nahi izan du kontzertu hau, emergentziazko egoera hau konpontze aldera lagungarri gerta dadin. Horregatik kaxa batzuk paratuko dira elizan nahi duten entzuleek laguntza ekonomikoa emateko aukera izan dezaten eta horrela parte har dezaten Europan ezagutu dugun errefuxiatu-krisirik handienaren konponketan.
Kontzertuaren aurkezpena Nafarroan ACNURek duen ordezkariak eginen du eta horrekin batera errefuxiatuekin egiten ari den lanaren berri emanen du.
Bakearen Nazioarteko Eguna. ACNUR-Mediterraneoko errefuxiatuak erakundearekin elkarlanean.
SAN JOSE ABESBATZAK “THE ARMED MAN: A MASS FOR PEACE” KONTZERTUA EUROPAKO ERREFUXIATU SIRIARREI ESKAINIKO DIE
Heldu den 2015eko irailaren 19an, larunbata, Bakearen Nazioarteko Eguna dela-eta, eta abesbatzaren 60. urteurrenaren ospakizun-emanaldien artean, Iruñeko San Jose Abesbatzak Karl Jenkins konpositore galestarraren “The Armed Man: A Mass for Peace” kontzertua interpretatuko du Iruñeko San Antonio elizan, 20:00ean. Kontzertua ACNURekin elkarlanean eginen da, eta berariaz Europako errefuxiatu siriarren krisiari eskainiko zaio.
Nazio Batuen Batzar Orokorrak irailaren 21a “Bakearen Nazioarteko Eguna” izendatu zuen Giza Eskubideak sustatze aldera eta munduko nazio eta herri guztietan bake-ideiak indartze aldera.
“The Armed Man: A Mass for Peace” 2000. urtean estreinatu zen milurteko berriaren ospakizunen karietara. Konpositoreak Kosovoko krisia gogorazi nahi izan zuen gerraren horrorea eta bakearen esperantza gogora ekarriz. Haren lengoaia musikala erabat berritzailea da, bertan nahasten baitira gerra gaitzat duten kantu gregorianoko zatiak, jatorri islamiarra duten konposizioak, Indiako testuak eta iturri biblikoak
“The Armed Man: A Mass for Peace” munduko arrakastarik handiena lortu duen obra koral garaikidea da. Abesbatzarako eta orkestrarako eszenifikaturik dago eta ordu bat irauten duten barietate, kolore eta sonoritate handiko 13 mugimenduk osaturik dago.
Emergentziazko egoera Sirian:
Lau milioi siriarrek babesleku bat behar dute. Lau urteko gerra baten ondoren, gizonek, emakumeek, haurrek, agureek, gaixoek… ihes egin behar izan dute, beren etxeak eta zeuzkaten guztiak utzi behar izan dituzte beste herrialde batzuetan seguritatea lortzen saiatzeko.
Gure garaian ezagutu den krisi humanitariorik handienetako bat da. Milaka familia bizirik irauten saiatzen ari dira oso egoera zailean, eta errefuxiatu asko beren bizitza arriskuan paratzen ari dira Europara iritsi nahian.
Egoera honen aurrean, Iruñeko San Jose Abesbatzak ACNURen eskuetan paratu nahi izan du kontzertu hau, emergentziazko egoera hau konpontze aldera lagungarri gerta dadin. Horregatik kaxa batzuk paratuko dira elizan nahi duten entzuleek laguntza ekonomikoa emateko aukera izan dezaten eta horrela parte har dezaten Europan ezagutu dugun errefuxiatu-krisirik handienaren konponketan.
Kontzertuaren aurkezpena Nafarroan ACNURek duen ordezkariak eginen du eta horrekin batera errefuxiatuekin egiten ari den lanaren berri emanen du.
