Xakeak estrategia, kontzentrazioa eta pazientzia eskatzen ditu. San Fermin Ikastolako bost ikasleek ongi ezagutzen dituzte joko honen gakoak, eta ederki moldatzen dira taula gainean. Apirilean Espainiako eskola-taldeen txapelketa irabazi ondoren, esperientzia berezia bizi izan dute irailean, Armeniako munduko txapelketan parte hartuta.
San Fermin Ikastolara hurbildu gara ikasleekin hitz egiteko: Aitor Molina, Miren Puy Azcoiti, Oihan Rojo, Iker Rojo eta Julen Arbizu. Elkarrizketan, lehiaketak nola bizi izan dituzten kontatu digute, baita xakeak zer ematen dien eta zergatik gustatzen zaien azaldu ere. Asier Urretavizcaya entrenatzaileak, berriz, prestaketa-prozesuaz, xakea irakasteko moduaz eta kirol honek ikasleei eskaintzen dizkien aukerez hitz egin digu.