Hamaika talde biltzen dira hilean behin Nafarroa osoan zehar eta topaketak elkar ezagutzeko aukera eskaintzeaz gain, ikasteko bestelako proposamenak ere planteatzen ditu: tailerrak, solasaldiak eta errezitaldiak.
Bi emakume omenduko dituzte aurten: azaroaren 22an euskarazko jardunaldietan Nerea Ibarzabal idazle eta bertsolaria omenduko dute eta Carmen Martin Gaite azaroaren 15ean gaztelaniazko topaketan. Urtean zehar, hilabetero-hilabetero liburu baten bueltan hitz egiteko elkartzen gara, baina kasu honetan polita da idazlearekin, Ibarzabalekin ‘Bar gloria’ liburuaz hitz egiteko aukera izatea”, azaldu du Castiellak.
Irakurketa Kluben Topaketa antolatzen den hamahirugarren aldia den arren, euskaraz egiten den hirugarrena da. Hartara, Castiellak parte hartzeko deia luzatu du. Izan ere, “zorionez badaude euskal literaturan emakume asko. Datozen belaunaldi gazteak ere gauza oso politak eta interesgarriak idazten ari dira”.
Aldez aurretik izen-ematea beharrezkoa da.
Euskarazko egitaratua
- Azaroak 20, osteguna, Olaztiko Liburutegia
- 18:00 “Paragrafo eta ahapaldietatik haratago: ilustrazioa eta soinu-paisaiak” tailerra, Belatz
eta Iñigo Pimoulierekin. Eman izena liburutegian berean, aldez aurretik.
- 18:00 “Paragrafo eta ahapaldietatik haratago: ilustrazioa eta soinu-paisaiak” tailerra, Belatz
- Azaroak 22, larunbata, Nafarroako Liburutegia
- 10:30 Euskarazko jardunaldirako akreditazioak.
- 11:00 Nerea Ibarzabalen eta Irati Majueloren arteko solasaldia.
- 12:45 Biharraren hegietan errezital poetikoa Martin Bidaur eta Maddi Sarasuarekin.
- 13:30 Aperitiboa.