Cadizko ganadutegiko zezenek ospeari ohore egin diote gaur: izugarrizko arriskua sortu dute entzierroaren ibilbidean, bereziki zezen beltzetako batek, Caminantek. Idien atzetik irten dira Santo Domingo aldapan gora eta udaletxe plazan sartu direlarik euren lekua hartzea lortu dute. Mertxika koloreko zezena abiatu da lehena, eta ziztu bizian egin ditu zezen plazarainoko metroak, alboan anaien gehienak zituela. Bat falta zen baina. Caminante atzean gelditu da irrist eginda eta taldetik urrunduta korritu behar izan du entzierroa. Bost minutu behar izan ditu osorik egiteko: tartean noraezean, ez atzera ez aurrera eta zer egin jakin gabe zebilen. Une arriskutsuak sortu ditu, baina korrikalariek zuzentzen ahalegindu dira eta bidea erakusten asmatu dute. Halaxe kontatu du gertatutakoa Euskalerria Irratian Haritz Pascualek: audioa entzuteko argazkian egin behar da klik.