"Integrazioa eskatzen diegu kanpotik gurera bizitzera datozenei, baina gurean barneratzeko ardura hori konpartitua da", esan du Sortzen Elkarteko kide Aitziber Garmendiak.
Gaztelania hutsezko ereduek, inklusioa sustatu beharrean, "diskriminazioa eta segregazioa" areagotzen dituztela uste du Sortzenek, haurrek etorkizunean izanen dituzten aukerak murriztuta. Hori guztia aldatu nahi dute. Urtebete da dagoeneko SOS Arrazakeria taldearekin elkarlanean ari direla eskolaz kanpo migratzaile diren familiekin ekimenak egiten dituztena.
Migratzaileen komunitateekin elkarlana sustatzeak "bertako errealitatea aberastu" eta komunitate sareak indartuko dituela uste du Sortzenek.
Aurrematrikulazio kanpaina martxoaren 17tik 21 era izanen da. Kanpainako bideoan, Iruñeko Sanduzelai eskola publikoko zenbait ikasleren testigantzak bildu dituzte. Ikusi hemen:
