Lanuzte eguna izan dute gaur billabesetan lan egiten dutenek: 06:00etatik 08:30etara zerbitzu minimoak baino ez dituzte eskaini. Lan hitzarmen duina nahi dute eta negoziazioa berrabiarazteko eskatzen ari dira. Moventis enpresak ordea ez du aurrera pausorik eman eta Iruñerriko Mankomunitatearen deirik ere ez dute jaso: "Ez dira gurekin harremanetan jarri. Aldaketarik ez bada mobilizazio gehiago eginen ditugu", adierazi du Mikel Gerra TCC enpresako langile eta LAB sindikatuko kideak. Euskalerria Irratian egindako elkarrizketa argazkian klik eginda entzun daiteke.
