"Hiru alaba ditudala esaten du: ni nireak dira propio eta bat sahararra", esan du Aitziber Monreal Ancin-ek. Saharako Adiskideen Elkarteko kide da Monreal. Pandemia aurretik bi urtez etorri zen Monrealen familiara neskatila saharrara eta pandemiaren geldialdiaren ostean ere bai. Elkarteak Urrezko Baba saria jaso berri du Iruñeko Errege Magoen Kabalkada Elkartearen eskutik. Adingabeekin egiten duten lana goraipatu eta eskertu diete horrela. "Ustekabean jaso genuen saria emanen zigutela zioen deia. Oso pozik gaude. 1997an sortu zen elkartea eta lehen saria da hau", azaldu du Monrealek. Elikadura proiektua, larrialdi egoeratan laguntzeko egitasmoa eta haurrak gurera ekartzeko aukera 'Oporrak bakean' eta 'Madraza' helburuak dituzte egitekoen artean: "Uda garaian Nafarroara etortzen dira, familia hainbatetara saharar adin txikikoak. Ikasturtea pasatzeko aukera ere eskaintzen ahal zaie", adierazi du Monrealek. Aitziber Monreal Ancinekin egindako elkarrizketa argazkian klik eginda entzun daiteke.
