Sexualitate laborategi bat proposatu dute urte berriaren hasierarako Iruñeko Emakumeen Etxean. Jolasa, plazerra, gorputza, mugak, erlazioak... izanen dira protagonista. Iruñeko Berdintasuneko, Ekintza Komunitarioko, Auzoetako, Herritarren Partaidetzako eta Euskara alorrak antolatu du, eta Amaia Barrena sexologo eta psikologoa izanen du gidari: "Euskaraz izanen da laborategia. Bost saio guztira emakumeen sexualitateaz hausnartzeko. Inposatzen dizkiguten sinesmenak aztertu eta nora jo nahiko genukeen identifikatzea izanen dira gakoak".
Emakumeei zuzendutako ikastaroa izanen da, emakumea, zentzurik zabalenean hartuta. Zabalik da izen-emateko epea eta casadelasmujeres@pamplona.es postaren bidez edo 948 11 02 30 telefono zenbakian eman daiteke (17:00etatik 21:00etara). Astearte arratsaldetan izanen da laborategia urtarrilaren 14an hasita. Urtarrilaren 21ean, eta otsailaren 4,11 eta 18an segituko du. Arratsaldeko 18:30etatik 20:30ak arte izanen da.
