Eraikin frankistak botatzeko eskaera jasotzen du Memoria Historikoaren legeak. Betebehar bat bezala. Hala uste dute Erorien Monumentua eraisteko eskatzen ari diren elkarte memorialistetako kideek. Urrian, idazkia erregistratu zuten elkarte horiek Iruñeko Udalean eskatuz, has zitezela eraikinaren eraistearekin. Erantzunik gabe segitzen dute. Areago, hiru alderdiren arteko akordioarekin egin dute topo. Eraikina bere horretan mantentzea, makillatzea dela iruditzen zaie. Eta ez zaizkie batere egokiak iruditu akordiora heltzeko emandako urratsak, besteak beste, elkarte memorialistak alboratu dituztelako. Hilabete asko dira haiekin biltzen ez direla. Erantzun bat jaso nahi dute eta eraistearen alde segitzen dutela aldarrikatu zuten atzo Iruñeko Udal plazan egindako elkarretaratze batean.
Erorien Monumentua eraistea da bide bakarra memoria elkarte gehienen ustez
Elkarretaratzea egin zuten atzo hainbat memoria elkartek Iruñeko Udal plazan: "Erorien monumentua eraitsi behar da. Ez dugu ulertzen beste aukerarik", azaldu dute. PSN, EH Bildu eta Geroa Baik adostutako akordioa "makillajea" iruditzen zaie. Eurei bizkar emanda erdietsitakoa ere izan dela kritikatu dute.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
