Gaur gaurkoz Antsoainen, Burlatan, Iruñean Zaldiko Maldikon, Nafarroako liburutegian, hainbat Civivoxetan, Lizarran, Erronkarin… hamaika irakurle klub topatzen ditugu. Egunotan, Nafarroako liburutegiek antolatuta Irakurketa Kluben XII. Topaketa egiten ari dira. Azaroaren 6tik 16ra bitartean eginen dute topaketa eta poesia tailerrak, elkarrizketak eta solasaldiak izanen dira.
Bihar, euskarazko jardunaldiak egingo dituzte Nafarroako liburutegian. Ines Castiella zikloko antolatzaile eta kudeatzailea, besteak beste, eta biharko topaketan izanen den Uxue Alberdi idazle, bertsolari, eta oro har, literatur zalea Metropoli Foralean izan dira. Irakurketa ohiturak, onurak eta elkartrukeak mintzagai.
Beharrezkoa da aldez aurretik izena ematea eta sei euroko prezioa dauka.
