Udaberrian antolatutako zikloaren ondoren azaroan Kultur Aroa ireki du Antsoaingo Udalak. 12 jarduera izango dira osotara, adin mota guztietako jendearentzat, gure hizkuntza ikastetxeetatik kanpo ere entzuteko eta gozatzeko.
Larunbatean, Printze Txikia liburuaren irakurraldi publikoa egingo dute herriko 40 eragile desberdinetako kideek. Eta hilabete bukaera arte magia, antzerkia, solasaldiak edota Euskalerria irratiko Metropoli Forala entzuteko aukera egongo da besteak beste.
Irrintzi Plazan, Marta Diez Antsoaingo alkatea eta Xabi Lasa Antsoaingo euskara teknikaria elkarrizketatu ditugu Kultur Aroko egitaraua errepasatzeko eta herrian euskararen egoera zein den jakiteko.
